Albergue de Vilasantar

A Igrexa de Santa María da Laxe atópase a un km do Camiño de Santiago e a súa casa reitoral, ata o de agora en desuso, presentábase como unha boa candidata para acoller un albergue de peregrinos. A casa reitoral atópase encostada á Igrexa e conta ademais con outros dous volumes exteriores que funcionasen tamén como estancias do albergue. A entrada ao conxunto edificado é independente á da Iglesia, pola que se accede desde un xardín que unifica todo o conxunto.

Desde o exterior mantense unha estética similar á preexistente, con muros de pedra e carpinterías existentes na mesma gama cromática. Ao edificio accédese desde unha zona porticada que no seu momento eran as cortes e que agora mesmo aloxa a cabina do alberguero, ademais dunha zona de servizo e unha estancia e baño accesible. Xa no interior, en planta baixa entramos á zona de cociña e comedor e que está presidido pola lareira e polo vertedoiro orixinal da antiga cociña. Nesta planta atópanse tamén os baños. A planta superior distribúese mediante dúas grandes habitacións, ademais de dous aseos. A pedra, a madeira e as cores claras son os grandes protagonistas e déixanse ver en muros, forxados, pavimentos e paredes dando ao mesmo tempo calidez e sobriedade ao espazo.

Alén do xardín atópase a zona de servizo, onde está a lavandería e o aparcamento de bicicletas. No espazo da edificación auxiliar destaca un gran forno de pedra tradicional, que na actualidade carece de uso. Esta edificación aglutina á súa vez o cuarto de instalacións, cuxo peche se executa con lamas de madeira, evocando unha antiga “palleira”.

No proxecto ademais da parte estética e funcional xoga un papel importante a eficiencia enerxética e o confort térmico da edificación, tendo presente os condicionantes históricos da edificación mellóranse as prestacións térmicas da mesma mediante illamento de cubertas e muros, así como a instalación dun sistema térmico composto de chan radiante que funciona cunha bomba de calor e a colocación de dobre xanela, mantendo as exteriores e colocando unha folla interior con mellores prestacións.